Sıyr uıyqtap jatqan qojaıynyn óltirdi
ASTANA. 16 shilde. QazAqparat - Fermer men onyń áıeli esh alańsyz uıyqtap jatqanda, kenetten olardyń ústine salmaǵy birneshe júzdegen kılogramm bolatyn sıyr qulaǵan, dep habarlady Ýtro.rý.
Brazılııanyń shyǵysyndaǵy Mınas-Jeraıs shtatyndaǵy Karatınga qalasynyń turǵyny ústine sıyr qulaǵannan keıin jan tapsyrdy. Basylymnyń habarlaýynsha, 45 jastaǵy Joan Marııa de Sýza uıyqtap jatqan kezde jaıylyp júrgen mal úıdiń tóbesine shyǵyp ketken eken.
Úıdiń tóbesi osal materıaldan salynǵandyqtan birden opyrylyp túsken. Sıyr er adam uıyqtap jatqan kereýettiń ústine túsip, ony janshyp tastaǵan. Jýan de Sýzany birden aýrýhanaǵa jetkizgen, alaıda ota jasardyń aldynda ol ishke qan ketýdiń saldarynan kóz jumdy. Oqıǵa bolǵan kezde onyń qasyndaǵy áıeline eshqandaı zaqym kelmegen.
Bul Brazılııadaǵy iri qara maldyń úıdi buzǵan osyndaı alǵashqy jaǵdaıy emes. Jergilikti BAQ sózine qaraǵanda, sońǵy birneshe jylda mundaı jaǵdaı úsh ret bolǵan, alaıda onda japa shekkender kezdespegen.
