Sıyr káriz shuńqyryna túsip ketti
KÓKShETAÝ. QazAqparat - Atbasar aýdanynda káriz shuńqyryna túsip ketken sıyr qutqaryldy, dep habarlaıdy QazAqparat tilshisi Aqmola oblystyq TJD baspasóz qyzmetine silteme jasap.
Vedomstvonyń málimetinshe, búgin keshki saǵat 19:35 shamasynda Atbasar qalalyq ÓB kezekshilik bólimine káriz shuńqyryna sıyrdyń qulap ketkendigi týraly aqparat tústi.
«Qutqarýshylar aıtylǵan mekenjaıǵa barǵan kezde sıyr tereńdigi 2 metr káriz shuńqyrynyń ishinde jatty. Janýardy syrtqa alyp shyǵý úshin sý sorǵysh mashına men monıpýlıator tartyldy. Nátıjesinde sıyr syrtqa aman shyǵaryldy», - deıdi vedomstvodan.
