Sıyr etin jegen úndi azamatyn taspen atyp óltirdi
ASTANA. QazAqparat - Oqıǵa Úndistannyń soltústigindegi Ýttar-Pradesh shtatynyń Dadrı qalasynda oryn alǵan. Dúısenbige qaraǵan túni er adamdar toby 50 jastaǵy Muhammed Ahlakqa (Mohammad Akhlaq) tepkiniń astyna aldy, odan keıin taspen atqylap óltirdi.
Shabýyl saldarynan sondaı-aq onyń 22 jastaǵy uly aýyr jaraqattanǵan. Polıtseıler adamdy óltirý oqıǵasy dinı sıpatta bolǵanyn anyqtady.
The Indian Express gazetiniń habarlaýynsha, jergilikti sheneýnikterdiń biriniń aıtýyna qaraǵanda, «jergilikti turǵyndardyń arasynda Ahlaktyń sıyrlardy soıyp, onyń etin óz úıinde saqtaǵany týraly áńgime jaıylyp ketken». Polıtsııanyń aqparatynsha, bul ósek-aıań jergilikti ǵıbadathanalardyń birinde taratyldy.
Alaıda qaza tapqan azamattyń otbasy úılerindegi tońazytqyshta sıyr etin emes, qoı etin saqtap júrgenin aıtqan. Polıtsııa etti saraptamaǵa jiberdi. Adam óltirý kúdigimen alty adam qamaýǵa alyndy, dep habarlaıdy VVS.
