Sıyr baǵatyn baqtashy robot jasaldy
Baqtashy robot - Shrimp jylýdy sezetin jáne vıdeo sensormen jabdyqtalǵan. Solardyń arqasynda robot janýarlardyń dene qyzýyn ólshep, aralarynda aýrý jáne jaralanǵandaryn anyqtaı alady. Budan basqa, onyń tús aıyratyn datchıgi bar, sondaı-aq ol zattardyń pishini men kólemin de ólsheı alady.
Bul robot buǵan deıin shyqqan RIPPA (Robot for Intelligent Perception and Precision Application) atty sharýashylyq robotynan jetildirilgen. Ǵalymdar robottyń bir ýaqytta 150-ge deıin sıyr nemese qoıdy baǵa alady dep otyr. Ol janýarlardyń aǵashtar arasynan, batpaq jáne oıly-qyrly jerlerden ótýine kómektesýi tıis. Zertteýshiler eger baqtashy robot barlyq synaqtardan sátti ótkizilse, ol sharýalarǵa mal baǵýǵa kómektesýge taptyrmaıtyn kómekshi bolady dep senedi.