Syılyq alamyn dep san soǵyp qalmańyz: ІІM Ǵashyqtar kúni saq bolýǵa shaqyrdy
ASTANA. KAZINFORM – Ǵashyqtar kúni qarsańynda kópshilik súıiktisine erekshe syılyq daıyndaýǵa asyǵady. Mereke qarsańynda jeńildikter men jappaı satylymdar týraly aqparat kóbeıedi.
Alaıda merekelik qarbalasty ınternet-alaıaqtar da óz paıdasyna jaratyp, jalǵan saıttar ashyp, áleýmettik jeliler arqyly azamattardy aldaýǵa tyrysady. Romantıkalyq tosynsyı qarjylyq shyǵynǵa nemese kóńil kúıdiń buzylýyna aınalmas úshin qarapaıym qaýipsizdik sharalaryn saqtaý mańyzdy.
ІІM kelesi erejelerdi qatań ustanýǵa keńes beredi:
- taýardy tek senimdi, tekserilgen saıttar men resmı marketpleıster arqyly satyp alyńyz;
- áleýmettik jelilerdegi nemese messendjerlerdegi kúmándi siltemelerge ótpeńiz;
- shekten tys tómen baǵa usynylsa, abaı bolyńyz — bul alaıaqtyqtyń belgisi bolýy múmkin;
- satýshydan taýardyń naqty bar ekenin rastaýdy surańyz;
- beıneqońyraý arqyly dúkenniń naqty mekenjaıyn kórsetýdi ótinińiz. Alaıaqtar kóbine mundaı talaptan jaltaryp, onyń ornyna geolokatsııa nemese óńdelgen foto jiberedi;
- tólem jasaý kezinde saq bolyńyz: aqshany jeke shottarǵa nemese kúmándi tólem júıelerine aýdarmańyz;
- jeke derekterińizdi qorǵańyz. Bógde adamdarǵa eshqashan parolderdi, SMS-kodtardy, CVV-kodty jáne bank kartasynyń tolyq málimetin bermeńiz.
- Saq bolyńyz jáne alaıaqtardyń qurbanyna aınalmańyz, - delingen habarlamada.
Aıta keteıik, Jambyl oblysynda alaıaqtyq boıynsha keńes beretin táýlik boıǵy telefon jelisi iske qosyldy.
Petropavl turǵyny ınternet alaıaqtarǵa aldanyp, páterinen aıyryldy.
