Sııazbek Dalıev para júzýden Ulybrıtanııadaǵy Álem Kýbogy serııasynda kúmis enshiledi
NUR-SULTAN. QazAqparat -Para júzýden Álem kýbogynyń serııasy Ulybrıtanııanyń Sheffıld qalasynda ótti. Jarysqa álemniń 21 elinen 92 sportshy qatysty. Elordalyq sportshy Sııazbek Dalıev 50 metr qashyqtyqty batterflıaımen ekinshi bolyp júzip ótip, álem kýbogynyń kúmis júldegeri atandy, dep habarlaıdy QazAqparat Nur-Sultan qalasy ákimdiginiń resmı saıtyna silteme jasap.
Ol batterflıaı stılinde jarys jolyn 37,65 sekýndta júzip, Tokıodaǵy jazǵy Paralımpıada oıyndaryna irikteý normalarynan 3 sekýndqa joǵary kórsetkish kórsetti.
Sondaı-aq, 2018 jylǵy Azııa Para oıyndarynyń chempıony, halyqaralyq dárejedegi sport sheberi Sııazbek Dalıev qazir óz synybynda osy qashyqtyqta álemdik reıtıngtegi eń myqty júzýshilerdiń bestigine kiredi.
Qazaqstandyq para júzýshi batterflıaı stılinde Para Azııa oıyndarda jarys rekordyn ornatyp, 50 metr qashyqtyqty 37,40 sekýndta júzip ótken bolatyn. 2019 jyly Londonda ótken para júzýden álem chempıonatynda dál osy qashyqtyqta úzdik bestikke kirdi.
