Sııazbek Dalıev Eýropa chempıony atandy
NUR-SULTAN. QazAqparat- Nur-Sultan qalasynyń sportshysy Sııazbek Dalıev para júzýden Eýropa chempıony atandy, dep habarlaıdy QazAqparat elorda ákimdiginiń resmı saıtyna silteme jasap.
Portýgalııanyń Madeıra qalasynda 16-22 mamyr aralyǵynda ótip jatqan baıraqty básekege 47 elden 380 sportshy qatysýda.
Sııazbek batterflıaı stılinde 50 m qashyqtyqty 35,78 sekýndta júzip ótip, birinshi oryn ıegeri atandy.
Ekinshi oryndy Ýkraına sportshysy ıAroslav Semenenko (35,96) ıelense, al úzdik úshtikti reseılik Igor Plotnıkov (37,33) túıindedi.
Esterińizge sala keteıik, sáýir aıynda Ulybrıtanııada ótken álem kýbogynda sportshymyz dál osy qashyqtyqta kúmis júldege qol jetkizgen bolatyn.
