Sıvers almasy nege Qyzyl kitapqa engizilgen sırek túr
ASTANA. KAZINFORM — Sıvers almasy qaı qoryqtar men ulttyq parkterde ósedi.
Sıvers almasy (Malus sieversii) – Qazaqstannyń Qyzyl kitabyna engizilgen sırek ári qundy ósimdik túri. Ol qazirgi alma sorttarynyń arǵy tekteriniń biri retinde erekshe ǵylymı jáne genetıkalyq mańyzǵa ıe.
Qazaqstanda Sıvers almasynyń tabıǵı popýlıatsııalary negizinen Tıan-Shan men Jetisý Alataýynyń taýly aımaqtarynda saqtalǵan.
Sıvers almasy kezdesetin erekshe qorǵalatyn tabıǵı aýmaqtar:
• Іle-Alataýy memlekettik ulttyq tabıǵı parki;
• Jońǵar Alataýy memlekettik ulttyq tabıǵı parki;
• Kólsaı kólderi memlekettik ulttyq tabıǵı parki;
• Saıram-Ógem memlekettik ulttyq tabıǵı parki;
• Aqsý-Jabaǵyly memlekettik tabıǵı qoryǵy;
• Qarataý memlekettik tabıǵı qoryǵy.
Sıvers almasynyń jabaıy aǵashy – jaı ǵana tabıǵı mura emes, bolashaq selektsııa úshin asa qundy genetıkalyq qor. Olardy saqtaý bıoalýantúrlilikti qorǵaýdyń mańyzdy baǵyttarynyń biri bolyp sanalady.
Eske salsaq, Aýyl sharýashylyǵy vıtse-mınıstri Azat Sultanovtyń aıtýynsha, Talǵardaǵy óńirlik fılıalda jabaıy Sıvers almasynyń tuqymdarynan arnaıy tuqymbaq qurylyp, qysqy telitý ádisimen alǵashqy kóshetter ósirilgen. Bıyl Pomologııalyq baq aýmaǵynda 10 gektar jańa aport baǵy otyrǵyzylyp, sýarý júıesi jańartylǵan ári qajetti tehnıka satyp alynǵan.
