Sı Tszınpın jer silkinisinen zardap shekken Tıbetke qoldaý kórsetýdi tapsyrdy
ASTANA. KAZINFORM — QHR tóraǵasy Sı Tszınpın jer silkinisi bolǵan Tıbet avtonomııalyq aımaǵynyń turǵyndaryn qutqarý jáne olarǵa kómek kórsetý úshin barynsha kúsh salýdy buıyrdy, dep jazady TASS .
— Adamdardy izdestirý jáne qutqarý, zardap shekkenderge medıtsınalyq kómek kórsetý jáne yqtımal shyǵyndy múmkindiginshe boldyrmaý úshin bar kúsh-jigerdi salý kerek, — dedi Qytaı basshysy.
Sı Tszınpın túsindirip ótkendeı, QHR-dyń quzyrly vedomstvolary ekinshi rettik tótenshe jaǵdaılarǵa ákeletin táýekelderdi de joıýy kerek.
Sondaı-aq, evakýatsııalanǵandar men zardap shekkenderge ońtaıly jaǵdaı jasaý tapsyryldy.
Sınhýa aqparat agenttiginiń málimetinshe, qazir jer silkinisinen zardap shekken Sıtszan aımaǵynda tótenshe jaǵdaı jarııalandy.
Eske salsaq, Sıtszan avtonomııalyq aýdany (Qytaıdyń ońtústik-batysy) Shıgatsze qalasyndaǵy Dınjı ýezinde magnıtýdasy 6,8 baldyq jer silkinisi boldy. Tabıǵı apat saldarynan 53 adam kóz jumdy.