Sı Tszınpın 23-25 qyrkúıek aralyǵynda AQSh-qa barady
ASTANA. KAZINFORM — QHR tóraǵasy Sı Tszınpın 23-25 qyrkúıek aralyǵynda AQSh-qa memlekettik saparmen barady, dep habarlaıdy Beıjińdegi Kazinform agenttiginiń menshikti tilshisi.
Bul týraly dúısenbide ótken baspasóz máslıhatynda QHR Syrtqy ister mınıstrliginiń resmı ókili Go Tszıakýn habarlady. Onyń aıtýynsha, sapar AQSh Prezıdentiniń shaqyrýymen ótedi.
— Sapar barysynda Sı Tszınpın men Donald Tramp Qytaı-AQSh qatynastarynyń ózekti máselelerin talqylap, álemdegi beıbitshilik pen jahandyq damý baǵyttary boıynsha jan-jaqty pikir almasady, — dedi Go Tszıakýn.
Onyń aıtýynsha, memleket basshylary arasyndaǵy dıplomatııalyq baılanys Qytaı-AQSh qatynastaryn strategııalyq turǵydan damytýda aıryqsha mańyzdy ról atqarady. Al alty aı ishinde eki el kóshbasshysynyń ózara kezdesýi — tarıhtaǵy mańyzdy beles.
— Qytaı AQSh-pen birge ekijaqty qatynastardy syndarly strategııalyq turaqtylyq negizinde damytýǵa, dıalog pen yntymaqtastyqty nyǵaıtýǵa, kelispeýshilikterdi durys retteýge jáne eki el halyqtarynyń ál-aýqatyn odan ári arttyrýǵa nıetti. Sonymen qatar álemde beıbitshilik, turaqtylyq pen órkendeýdi ilgeriletýge kúsh salady, — dedi dıplomat.
Buǵan deıin Tramptyń Qytaıǵa saparyn aıaqtaǵany habarlanǵan bolatyn.
Aqzat Jıenalına
