Sıtsılııada úsh qabatty ǵımarat opyrylyp, alty adam iz-túzsiz joǵalyp ketti
ASTANA. KAZINFORM – Sıtsılııanyń Messına qalasynda qutqarýshylar úsh qabatty ǵımarat qulaǵannan keıin joǵalyp ketken alty adamdy izdestirip jatqanyn málimdedi. Tótenshe jaǵdaıdyń sebebi anyqtalyp jatyr, dep habarlaıdy TASS agenttigi.
Bul týraly órt sóndirýshiler tobynyń komandıri Mıshel Býrjo málimdedi, dep habarlaıdy ANSA aqparat agenttigi.
– Qazirgi ýaqytta alty adam habar-osharsyz ketti. Biz olardy izdep jatyrmyz jáne olardy tiri tabýǵa úmittenemiz, - dedi ol.
Úsh qabatty ǵımarat beısenbi kúni opyrylǵan. Úsh adam jaraqat alyp, aýrýhanaǵa jetkizildi. Biraq olardyń ómirine qaýip tónip turǵan joq. Birinshi jáne ekinshi qabattarynda dúkender ornalasqan ǵımaratta jumystar júrgizilip jatyr.
Qıraýdyń sebebi anyqtalyp jatyr. Býrjonyń aıtýynsha, bul gaz jarylysynan nemese tirek qurylymdarynyń qulaýynan bolýy múmkin.
Arnaıy Kazinform agenttigine TASS seriktes agenttigi usynǵan.
Italııanyń Sıtsılııa aralynda aptap ystyq pen ekpindi jeldiń saldarynan iri orman órtteri órship, bılik tótenshe jaǵdaı rejımin jarııalaǵanyn jazǵan edik.
