Sıtsılııada tornadodan 9 adam zardap shegip, ǵımarattar qırady
ASTANA. KAZINFORM — Italııanyń Sıtsılııa aralyna qýatty tornadolar soǵyp, tanymal týrıstik Marsala qalasyndaǵy ǵımarattarǵa zaqym keldi. Tabıǵı apattan 9 adam, onyń ishinde mektep oqýshysy jaraqat aldy. Quıyn kólikterdi aýdaryp, áýege kótergen, dep habarlaıdy BelTA.
Tabıǵı apat tańerteń bolǵan. Naızaǵaı oınap, daýyl turǵanda jaǵalaý mańynda eki tornado paıda bolǵan. Oqıǵa kýágerleri qatty qoryqqanyn, biri buryn-sońdy mundaı qorqynyshty bastan ótkermegenin aıtyp, jaǵdaıdy «naǵyz beıbereketsizdik» dep sıpattady.
Jergilikti BAQ málimetinshe, quıyndardyń biri mektep ǵımaratyn zaqymdap, saldarynan oqýshy jaraqat alǵan. Sondaı-aq stadıon mańynda birneshe kólik áýege kóterilgen.
Bul tornadolar Sıtsılııanyń osy óńirinde sońǵy birneshe onjyldyqtaǵy eń qýatty quıyndardyń biri sanaldy. Jergilikti jedel medıtsınalyq kómek bólimine 9 adam júgingen. Olardyń tórteýi — bala, beseýi — eresek adam. Dárigerler zardap shekkenderdiń kesilgen jáne sydyrylǵan jaraqattar alǵanyn anyqtady.
Eske salaıyq, bıyl Frantsııada tornadodan 26 adam zardap shegip, júzdegen úı qıraǵan bolatyn.
