Sıtsılııada Etna janartaýy qaıta atqylaı bastady
ASTANA. KAZINFORM — Sıtsılııa aralyndaǵy janartaý ondaǵan metr bıiktikke kúl men lava fontanyn atqylap jatyr. Bul týraly Italııanyń Ulttyq geofızıka jáne výlkanologııa ınstıtýty (INGV) habarlady, dep jazdy DW.
Kúl jaǵalaýdaǵy Taormına qalasyna, sondaı-aq Pıano-Proventsano taý-shańǵy kýrortyna deıin jetken. Uzyndyǵy shamamen eki shaqyrymǵa jýyq lava aǵyny janartaýdyń shyǵys betkeıimen tómen qaraı aǵyp jatyr.
Týrıster men shańǵyshylar túngi aspan aıasynda janartaýdy tamashalady, gıdterdiń súıemeldeýimen atqylaýdy qaýipsiz qashyqtyqtan baqylaýǵa múmkindik bolǵan. Qazirgi ýaqytta qaýiptilik deńgeıi jasyldan saryǵa kóterildi, sondyqtan taýly aımaqtarda júrgen týrısterge asa saq bolý eskertildi.
Etna janartaýynyń bıiktigi shamamen 3350 metr, ol — Eýropadaǵy eń iri árekettegi janartaý. Ol jylyna birneshe ret atqylap, kóptegen týrısterdi ózine tartady.
Aıta keteıik, qarasha aıynda Indonezııada iri janartaýdyń atqylaýyna baılanysty eń joǵary qaýip deńgeıi jarııalanǵan bolatyn.