Sıtsılııa aralynda Etna janartaýy atqylaı bastady

ASTANA. KAZINFORM — Eýropadaǵy eń belsendi janartaýlardyń biri Sıtsılııadaǵy Etna oıanyp, kúli teńiz deńgeıinen 4500 metr bıiktikke ushty. Qyp-qyzyl lava aǵyndary taý bókterinen 3300 metr bıiktikten aǵyp tústi, dep jazady Euronews.

Qazirgi ýaqytta Etna belsendiligi ortasha deńgeıde. Alaıda Italııa bıligi jaǵdaıdyń kúrt ózgerýinen qaýiptenip, jerasty dúmpýleri týraly eskertýdiń jasyl deńgeıin saryǵa deıin kóterdi.

ıÝNESKO-nyń búkilálemdik muralar tizimine engen Etna taýynyń bıiktigi 3357 metr. Janartaýdyń 200-den 400-ge deıin qosalqy janartaý kraterleri bar. Olar aı saıyn birneshe ret atqylaıdy.

Etnanyń belsendiligine Sıtsılııa mańyndaǵy Eolı araldary arhıpelagyndaǵy Tırren teńizinde ornalasqan Strombolı janartaýynyń atqylaýy qosyldy.