Syrtqy ister mınıstrligine jańa mindetter júkteledi

ASTANA. KAZINFORM — «Qazaqstan Respýblıkasy Syrtqy ister mınıstrliginiń máseleleri» týraly Úkimet qaýlysyna ózgerister men tolyqtyrýlar engiziledi. Osylaısha mınıstrlikke jańa mindetter júkteledi.

Ashyq normatıvtik-quqyqtyq aktiler portalynda jarııalanǵan Úkimet qaýlysynyń jobasynda Syrtqy ister mınıstrligine adam saýdasyna qarsy is-qımyl jónindegi halyqaralyq yntymaqtastyq salasynda Qazaqstan Respýblıkasynyń syrtqy saıası baǵytyn iske asyrýdy qamtamasyz etý júkteletini kórsetilgen. 

Sonymen qatar vedomstvoǵa shet elde adam saýdasynyń qurbandary bolǵan Qazaqstan Respýblıkasy azamattarynyń quqyqtary men múddelerin qorǵaýdy qamtamasyz etý, shetelde adam saýdasynyń qurbany bolǵan Qazaqstan azamattaryn, onyń ishinde kámeletke tolmaǵandardy, Qazaqstan Respýblıkasy tanyǵan bosqyndardy jáne Qazaqstanda turaqty turatyn azamattyǵy joq adamdardy tıisti qujattarmen qamtamasyz etý jáne Qazaqstan Respýblıkasyna qaıtarý jónindegi sharalardy qabyldaý mindetteri qosa berilmek. 

Qaýly jobasy 9 qyrkúıekke deıin qoǵamdyq talqylaýǵa shyǵarylyp otyr.