Syrtqy ister mınıstrligine daktıloskopııalyq tirkeý ókilettigi berildi
ASTANA. KAZINFORM — Qazaqstan Respýblıkasynyń Úkimeti «Qazaqstan Respýblıkasy Syrtqy ister mınıstrliginiń máseleleri» týraly qaýlyǵa ózgerister men tolyqtyrýlar engizdi.
Jańartylǵan qujatqa sáıkes, Syrtqy ister mınıstrliginiń erejesine mynadaı ózgerister engizildi:
-
azamattyq máseleleri boıynsha ótinishtermen jumys isteý tártibi naqtylandy. Endi Syrtqy ister mınıstrligi Qazaqstannyń shet elderdegi mekemelerinde azamattyqty alý, shyǵarý nemese elge tıesiligin rastaý týraly ótinishterdi qabyldaý jáne qaraý tártibin ázirlep, bekitedi;
-
167-tarmaqshaǵa qazaq tilindegi mátin boıynsha ózgerister engizildi (orys tilindegi nusqasy ózgerissiz qaldy);
-
jańa 167-1-tarmaqsha qosyldy, onda Syrtqy ister mınıstrligine Qazaqstan Respýblıkasynyń zańnamasyna sáıkes daktıloskopııalyq tirkeýdi júzege asyrý ókilettigi berilgen.
Qaýly kúshine endi.
Buǵan deıin Qazaqstan azamattyǵyn alýdy jeńildetetin qujat jobasy talqylaýǵa shyǵarylǵan edi.