Syrtqy ister mınıstrliginde Lıvannyń jańa Elshisi senim gramotalarynyń kóshirmelerin tabystady
ASTANA. KAZINFORM - Qazaqstan Respýblıkasy Syrtqy ister mınıstriniń orynbasary Álibek Baqaev Lıvan Respýblıkasynyń Qazaqstandaǵy jańadan taǵaıyndalǵan Elshisi Djordj Abý Zeıdpen kezdesý ótkizdi, dep habarlaıdy QR Syrtqy ister mınıstrliginiń baspasóz qyzmeti.
Kezdesý aıasynda Lıvan Elshisi senim gramotalarynyń kóshirmelerin tabys etti. Óz kezeginde Á.Baqaev Elshini jańa qyzmetimen quttyqtap, onyń dıplomatııalyq mıssııasy Qazaqstan men Lıvan arasyndaǵy dástúrli dostyq qatynastar men ózara tıimdi yntymaqtastyqty odan ári damytýǵa septigin tıgizetinine senim bildirdi.
Taraptar saıası dıalogty odan ári damytý, saýda-ekonomıkalyq seriktestikti jáne mádenı-gýmanıtarlyq yntymaqtastyqty keńeıtý máselelerin talqylady.
Suhbat aıaǵynda dıplomattar ekijaqty jáne kópjaqty formatta belsendi ózara is-qımyldy qoldaýǵa kelisti.
Osyǵan deıin Syrtqy ister mınıstrligine jańa mindetter júktelgeni týraly jazdyq.