Syrtqy ister mınıstrligi Varshavada joǵalǵan Qazaqstan azamatyna qatysty isti baqylaýyna aldy
ASTANA. KAZINFORM — Syrtqy ister mınıstrligi Varshavada joǵalǵan Qazaqstan azamaty Ekaterına Shılovaǵa qatysty isti baqylaýyna aldy.
Facebook-tegi «Varshava jańalyqtary» paraqshasynda jarııalanǵan aqparatta 42 jastaǵy Ekaterına Shılovanyń 18 aqpanda Varshavadan Astanaǵa saǵat 23:00–de ushatyn ushaqqa otyrmaǵany aıtylady.
— Týystary odan túsiniksiz habarlama alǵan jáne onyń jazbaǵanyna senimdi. Ol sársenbi kúni Shopen áýejaıynan Qazaqstanǵa ushýy tıis edi. Alaıda áýejaıǵa kelmegen. Joǵalǵan kúni ózimen birge qarajaty bolǵan, — delingen aqparatta.
Osyǵan oraı Syrtqy ister mınıstrligine mán-jaıdy anyqtaý úshin júgingen edik. Mınıstrlik baspasóz qyzmeti bul jaǵdaıdan habardar ekenin málimdedi.
— Varshavadaǵy Konsýldyq bólim jergilikti quzyrly organdarǵa resmı nota joldady. Varshavanyń Bas polıtsııa basqarmasy aqparattyń alynǵanyn rastap, isti izdestirý departamentine joldady. Qajetti konsýldyq-quqyqtyq kómek kórsetilip jatyr. Bul másele mınıstrliktiń baqylaýynda, — dep atap ótti vedomstvodan.
Aıta ketelik polıtsııa Germanııada kisi qolynan qaza bolǵan eks-sýdıanyń kúıeýi men enesine izdeý jarııalaǵan edi.