Syrtqy ister mınıstrligi Saýd Arabııasyndaǵy qazaqstandyqtarǵa qatysty málimdeme jasady
ASTANA. KAZINFORM — QR SІM Saýd Arabııasynyń azamattyq ınfraqurylymyna jasalǵan shabýyldarǵa baılanysty atalǵan eldegi Qazaqstan azamattaryn qaýipsizdik sharalaryn saqtaýǵa shaqyrdy.
Bul jóninde mınıstrliktiń resmı ókili Janbolat Úsenov Telegram-arnasynda jarııalady.
Atap aıtqanda, Syrtqy ister mınıstrligi:
- saqtyq sharalaryn qatań saqtap, jergilikti bılik organdarynyń nusqaýlaryn oryndaýdy;
- naqty qajettilik bolmasa, áýejaılarǵa barmaýdy, reısterdiń mártebesin áýekompanııalardan aldyn ala naqtylaýdy;
- adamdar shoǵyrlanǵan oryndar men qaýiptiligi joǵary nysandardan aýlaq bolýdy;
- shuǵyl emes saparlardy múmkindiginshe keıinge qaldyrýdy usynady.
Sonymen qatar, tótenshe jaǵdaıǵa tap bolǵan jandar QR-nyń Er-Rııadtaǵy Elshiligine nemese QR-nyń Jıddadaǵy Bas konsýldyǵyna habarlasýy qajet.
Jedel baılanysqa arnalǵan telefon nómirleri:
Er-Rııad qalasyndaǵy konsýl: +966 55 663 01 77.
Jıdda qalasyndaǵy konsýl: +966 53 275 80 80.
Aıta keteıik, buǵan deıin Qazaqstan hýsıtterdiń Saýd Arabııasyndaǵy shabýyldaryn qatań aıyptaıtynyn jazǵanbyz.
