Syrtqy ister mınıstrligi qazaqstandyqtarǵa Iranǵa barýdan bas tartýǵa keńes berdi
ASTANA. KAZINFORM — Iran Islam Respýblıkasynyń tóńiregindegi shıelenistiń saqtalýyna baılanysty Syrtqy ister mınıstrligi Qazaqstan azamattaryna jaǵdaı turaqtalǵanǵa deıin Iranǵa barýdan ýaqytsha bas tartýdy usynady, dep habarlaıdy vedomstvonyń baspasóz qyzmeti.
— Qazir Iran aýmaǵynda júrgen Qazaqstan azamattaryna elden múmkindiginshe shyǵyp ketýdi, sondaı-aq qaýipsizdik sharalaryn barynsha saqtaýdy, qyraǵylyq pen saqtyq tanytýdy, jańalyqtardy qadaǵalap otyrýdy jáne jergilikti bılik organdarynyń usynymdaryn múltiksiz oryndaýdy usynamyz. Sonymen qatar Qazaqstan azamattaryn Taıaý Shyǵys elderine saparlardy josparlaý barysynda qazirgi jaǵdaıdy jáne onyń kúrdelilený qaýpin nazarǵa alyp, jaýapkershilikpen qaraýǵa shaqyramyz, — delingen habarlamada.
Qazaqstannyń Irandaǵy dıplomatııalyq mekemeleri shtattyq rejımde jumys istep jatyr. Qosymsha ári jedel aqparat alý úshin Iranda júrgen QR azamattary men olardyń Qazaqstandaǵy týystary úshin baılanys jelileri ashyldy.
QR Syrtqy ister mınıstrligi:
+7 (7172) 72 01 11 (kezekshi dıplomat, jumys kúnderi — 19:00–den 09:00–ge deıin, demalys kúnderi — táýlik boıy);
+7 (7172) 72 05 00 (Konsýldyq qyzmet departamenti).
Qazaqstannyń Irandaǵy Elshiligi (Tegeran q.):
+98 21 2256 5933 (Elshiliktiń kezekshi qyzmetkeri);
+98 936 208 4672 (uıaly telefon, Whatsapp);
Mekenjaıy: Tegeran q., Darrýs, Hedaıat kósh., 83 úı
(83 Hedayat Street, Darrous, Tehran).
Elektrondyq poshta: tehran@mfa.kz, kaztehran211@gmail.com
Qazaqstannyń Gorgandaǵy Bas konsýldyǵy:
+98 912 298 0350 (uıaly telefon);
+98 173 252 0443 (jumys telefony);
+7 701 771 34 01 (Whatsapp);
Mekenjaıy: Gorgan q., Edalat-97 kósh., Mına alleıasy
(Edalat 97, Gorgan).
Elektrondyq poshta: gorgan@mfa.kz
Qazaqstannyń Bander-Abbastaǵy Konsýldyǵy:
+98 930 298 5703 (uıaly telefon, Whatsapp);
Mekenjaıy: Bander-Abbas q., Fadjr kósh., Valfadjr-1, 7-úı
(1st Valfajr 7, Fajr Street, Bandar-Abbas).
Elektrondyq poshta: kzvisabnd@gmail.com
Eske salsaq, AQSh prezıdenti Donald Tramp beısenbi, 19 aqpanda, jaqyn arada Iranmen kelisimniń múmkindigi anyqtalatynyn málimdedi jáne eger kelissózder sátti aıaqtalmasa, Vashıngton eskalatsııaǵa barýǵa májbúr bolýy múmkin ekenin eskertken edi.
Keshe Jenevada AQSh pen Iran arasyndaǵy kelissózder aıaqtalǵany belgili boldy.
