Qazaqstan delegatsııasy Jenevadaǵy Qarýsyzdaný jónindegi konferentsııaǵa qatysty
ASTANA. KAZINFORM — Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý Qarýsyzdaný jónindegi konferentsııanyń joǵary deńgeıdegi segmentine qatysty. Bul týraly vedomostvonyń baspasóz qyzmeti málim etti.
Syrtqy ister mınıstri Qarýsyzdaný jónindegi konferentsııanyń mańyzdylyǵyna toqtalyp, bul qarýsyzdaný boıynsha kelissózder júrgizýge arnalǵan jalǵyz kópjaqty forýmnyń biri ekenine erekshe kóńil aýdardy. Qazaqstandyq dıplomat qazirgi geosaıası jaǵdaıda qarýsyzdaný máseleleri BUU Jarǵysy men halyqaralyq quqyqqa negizdelgen dıalogty ilgeriletý úshin erekshe mańyzǵa ıe dep atap ótti.
Murat Nurtileý ıadrolyq qarýsyzdaný Qazaqstannyń syrtqy saıasatynyń ózgermeıtin asa mańyzdy basymdyqtarynyń biri dep aıtty. Bizdiń elimiz eki mańyzdy kópjaqty forýmyna – ıAdrolyq qarýdy taratpaý týraly sharttyń Sholý konferentsııasynyń ekinshi daıyndyq komıtetine jáne ıAdrolyq qarýǵa tyıym salý týraly sharttyń úshinshi konferentsııasyna tóraǵalyq etetinin, sondaı-aq aǵymdaǵy jyly ıadrolyq qarýdan azat barlyq aımaqtar ókilderiniń konferentsııasyn qabyldaıtynyn habarlady.
Mınıstr Bıologııalyq qarýǵa tyıym salý týraly konventsııany nyǵaıtýdyń mańyzdylyǵyn ataı kele, delegatsııalardy Qazaqstan Prezıdenti Qasym-Jomart Toqaevtyń Bıologııalyq qaýipsizdik jónindegi halyqaralyq agenttik qurý týraly bastamasyn iske asyrý boıynsha birlesip jumys isteýge shaqyrdy.
