Syrtqy ister mınıstri Iran Elshisin qabyldady
ASTANA. KAZINFORM – Qazaqstan Syrtqy ister mınıstri Ermek Kósherbaev Qazaqstan Respýblıkasyndaǵy Iran Islam Respýblıkasynyń Elshisi Álı Akbar Djoýkardy qabyldady.
Taraptar ekijaqty ózara is-qımyldyń qazirgi jaǵdaıy men damý perspektıvalaryn talqylap, saıası, saýda-ekonomıkalyq, ınvestıtsııalyq jáne mádenı-gýmanıtarlyq salalardaǵy yntymaqtastyqty odan ári damytýǵa ózara múddeliligin rastady.
Kezdesý barysynda halyqaralyq kún tártibindegi ózekti máseleler de qaraldy. Taıaý Shyǵystaǵy deeskalatsııanyń mańyzdylyǵy jáne uzaq merzimdi turaqtylyqty qamtamasyz etý qajettigi atalyp ótti. Qazaqstan tarapy BUU Jarǵysynyń qaǵıdattaryna sáıkes kelispeýshilikterdi tek saıası-dıplomatııalyq jolmen retteýge berik beıildiligin atap ótti.
Sondaı-aq Qazaqstan Prezıdenti Qasym-Jomart Toqaevtyń bastamasyna sáıkes Túrkistan qalasynda kelissózder ótkizý úshin alań usynýdy jáne tıisti halyqaralyq kúsh-jigerge járdem kórsetýge daıyn ekenin bildirdi.
Aıta ketsek, Irandaǵy geosaıası jaǵdaı Qazaqstannyń syrtqy saýdasyna aıtarlyqtaı áser etpeıdi. Ulttyq ekonomıka mınıstrligindegiler Kazinform saýalyna bergen jaýapta osyndaı ustanym bildirgen.