Syrtqy faktorlar áýe kompanııalaryna qanshalyqty áser etti
ASTANA. KAZINFORM – Kólik mınıstrligi osy jyly avıatsııa salasyna yqpal etken syrtqy faktorlarǵa, ıaǵnı Taıaý Shyǵystaǵy jaǵdaı men Reseı men Ýkraına arasynda ahýal áýe kompanııalaryna qanshalyqty áser etkenine túsinik berdi.
- Osy jyldyń aqpan aıynyń sońynda Taıaý Shyǵystaǵy oqıǵalarǵa jáne ushý qaýipsizdigin qamtamasyz etý maqsatynda birqatar memlekettiń áýe keńistiginiń ýaqytsha jabylýyna baılanysty qazaqstandyq kompanııalar jekelegen reısterdi toqtatýǵa, sondaı-aq áýe sapary baǵyttaryna túzetýler engizýge májbúr boldy. Atalǵan syrtqy faktorlar Qazaqstannyń avıatsııa salasynyń turaqtylyǵyna keri áserin tıgizgen joq, - delingen mınıstrliktiń Kazinform agenttigine bergen jaýabynda.
Bul rette vedomstvo Taıaý Shyǵys elderindegi áýe kompanııalary Qazaqstanǵa reısterdi oryndaýdy jalǵastyryp jatqanyn, al qazaqstandyq tasymaldaýshylar qaýipsizdik talaptaryn eskere otyryp, baǵyttardy qalpyna keltirýdi josparlap otyrǵanyn málimdedi.
Aıta keteıik, avıatsııalyq qaýipsizdik salasynda Qazaqstan álemdegi úzdik 20 eldiń qataryna endi.
Eske salsaq, bıyl jazda Taıaý Shyǵystaǵy jaǵdaıdyń shıelenisýine balanysty áýe reısteri boıynsha birshama ózgeris boldy.
Bıyl maýsym aıynda Ormýz buǵazy arqyly munaı jetkizý tizbegindegi irkilister aıasynda Eýropa men Azııanyń birqatar áýe kompanııasy avıaotyn baǵasynyń qymbattaýy men onyń tapshylyǵy qaýpine baılanysty reıster sanyn qysqarta bastady.
