Syrtqa shyqpańyzdar: Astanada nóser jaýynnan keıin kósheler jabyldy
ASTANA. KAZINFORM — Astanada eki kúnde 1,5 aılyq mólsherden asatyn jaýyn jaýdy. Jańbyrdyń sońy iri burshaqqa ulasty. Osyǵan oraı qala ákimdigi eskertý jasady.
Qazgıdromet málimetinshe, eki kún ishinde Astanada 48 mm jańbyr jaýǵan, aılyq norma — 31 mm.
ıAǵnı, eki kún ishinde jaýyn-shashyn mólsheri 1,5 aılyq mólsherden asyp tústi.
Kommýnaldyq qyzmetter tolyqtaı kúsheıtilgen rejımde jumys istep jatyr.
Qala boıynsha 200-den astam arnaıy tehnıka jumyldyryldy, olar jergilikti oryndarda sý sorý jumysyn júrgizip jatyr. Qazir jańbyr toqtaýsyz jaýyp tur.
Tolassyz jańbyrǵa baılanysty birqatar kóshede kólik qozǵalysy shektelgen:
— Turan dańǵylynyń Kereı-Jánibek handar kóshesinen Uly Dala dańǵylyna qaraı;
— Hýseın Ben Talal kóshesinen Uly Dala dańǵylyna qaraı;
— Uly Dala dańǵylynyń Qabanbaı batyr dańǵylynan Aıtmatov kóshesine deıin;
— Nájimedenov kóshesiniń Táýelsizdik kóshesinen Amanjolov kóshesine deıin.
Qala turǵyndary mundaı qolaısyz aýa raıynda syrtqa shyqpaǵany jón.
Aıta keteıik, kommýnaldyq qyzmetter kollektorlar men jańbyr qabyldaǵyshtardy tazartý, qubyrlardy býlaý, sý burý, nóserli káriz júıeleri men tazartý qurylysyn salý jáne basqa jumys júrgizip jatyr.
