Syrt kıimsiz aýlada ustaǵan: prokýrorlar qart adamdardy azaptaý faktilerin anyqtady
PAVLODAR. KAZINFORM – Pavlodarda prokýrorlar taǵy da qart adamdardy azaptaý faktilerin anyqtady.
Aqsý qalasynyń prokýratýrasy qadaǵalaý qyzmetin júzege asyrý barysynda jergilikti bıýdjetten qarjylandyrylatyn pansıonattardyń birinde qarttarǵa qatygezdik kórsetý faktilerin anyqtady.
Mekemede túsirilgen beınejazbalardy zertteý barysynda jantúrshigerlik faktiler ashyldy. Pansıonat qyzmetkerleri turaqty eki dármensiz qart adamǵa uzaq ýaqyt boıy qorlap, zorlyq-zombylyq kórsetken.
- Jábirlenýshilerdiń biriniń jasy - 84-te. Olardy únemi uryp-soǵyp, qoldaryn burap, qystyń sýyǵynda syrt kıimsiz aýlada ustaǵan, - delingen Pavlodar oblysynyń prokýratýrasy habarlamasynda.
Osy fakti boıynsha Aqsý qalasynyń prokýratýrasy QK 110-babynyń 2-bóligi boıynsha sotqa deıingi tergep-tekserýdi bastady.
Qazirgi ýaqytta barlyq kináli adamdar anyqtaldy.
Tergeý barysy prokýratýranyń erekshe baqylaýyna alyndy.
QPK-niń 201-babyna sáıkes tergeý múddesi úshin ózge aqparat jarııa etilmeıdi.
Eske salsaq Pavlodarda zeınetkerdi óz úıiniń kireberisinde tonap ketken edi.