Sırııanyń Madaııa qalasynda ashtyqtan 16 adam kóz jumdy
ASTANA. QazAqparat - Sırııanyń Madaııa qalasynda ashtyqtan 16 adam kóz jumdy. Bul týraly «Shekarasyz dárigerler» halyqaralyq uıymy habarlaıdy, dep jazady khabar.kz.
Olardyń aıtýynsha, uzaq ýaqyt nár tatpaǵan taǵy 33 adam aýyr halde jatyr. Bul shahar birneshe jyldan beri Sırııa Prezıdenti Bashar Asadqa qarsy bas kótergen oppozıtsııa búlikshileriniń baqylaýynda.
Birikken Ulttar Uıymy qańtar aıynyń basynda Madaııaǵa azyq-túlik, dári-dármek pen tazalyqqa qajetti zattardan turatyn gýmanıtardyq kómek jetkizgen bolatyn. Biraq ol az bolǵanǵa uqsaıdy. Sebebi Halyqaralyq qaýymdastyqtyń málimeti boıynsha, úkimet áskeri qorshaýǵa alyp, syrt álemnen oqshaýlanǵan qalada 40 myńnan astam turǵyn turady. Byltyr onda ashtyqtan 30 adam qyrylypty.
