Sırııanyń qaqtyǵys aımaqtarynda 65 atyraýlyq bala bar

ATYRAÝ. QazAqparat - Sırııadaǵy qarýly qaqtyǵys aımaqtarynda Atyraý oblysynan áketilgen 65 bala bar, dep habarlaıdy QazAqparat tilshisi.

«Atyraý oblysynan ərtúrli baǵyttarmen 14 otbasy Sırııaǵa ketken.  Olardyń keıbireýleri ózderimen birge balalaryn da alǵan. Sońǵy naqtylanǵan derekterge qaraǵanda, atalǵan aımaqtyń áskerı qaqtyǵys alańdarynda  Atyraý oblysynan áketilgen 65 bala bar. Olardyń 34 mektep jasynda bolsa,31-i mektepke deıingi kezeńde», - dedi Atyraý oblystyq din isteri jónindegi basqarmanyń basshysy Qaırolla Kóshqalıev óńirlik kommýnıkatsııalar qyzmetinde.