Sırııanyń Idlıb qalasynda qýatty jarylys boldy
ASTANA. QazAqparat - Sırııanyń soltústik-batysyndaǵy Idlıb qalasynda qarý-jaraq tıelgen mashına otqa oranyp, sodyrlardy qosqanda 50-deı adam qaza tapty, dep habarlaıdy Al-Maıadın telearnasy.
Telearna málimetinshe, órtengen kólik «Djebhat an-Nýsra» lańkestik uıymyna tıesili.
Arab buqaralyq aqparat quraldarynyń habarlaýynsha, Idlıb qalasy taıaýda bolǵan «Ahrar ash-Shammen» arada bolǵan qııan-keski urystardan keıin, tolyqtaı «Djebhat an-Nýsranyń» baqylaýyna ótken.
Ótken jumada Reıter agenttigi «Ahrar-ash-Sham» jáne «Nýsra» toptarynyń sodyrlary Idlıb aýdanynda ózara oq jaýdyrýdy toqtatýǵa daıyn ekendigin málimdegen bolatyn.
«Ahrar ash-Sham» sany boıynsha Sırııadaǵy eń iri sodyrlar toby bolyp sanalady.
