Sırııanyń Homs qalasynda gýmanıtarlyq kólikterdi atqylady
ASTANA. QazAqparat - Kóterilisshiler qadaǵalap otyrǵan sırııalyq Homs qalasynyń aýdandaryna kireberiste gýmanıtarlyq kómek tıelgen kólikterge oq jaýdyryldy.
Sırııalyq memlekettik BAQ-tyń habarlaýynsha, bul oqıǵa kezinde sırııalyq-arab «Qyzyl Aıynyń» tórt qyzmetkeri jaraqat aldy. Sırııa bıligi bul qastandyqty kóterilisshiler jasady dep aıyptap otyr.
Homske gýmanıtarlyq kómekti jetkizý sharalary úsh kúndik ýaqytsha bitimniń aıasynda qarastyrylǵan. Atap aıtqanda, jaqynda Sırııanyń bıligi men oppozıtsııasy arasynda osyndaı kelisim jasalǵan bolatyn.
