Sırııanyń astanasynda taǵy qaqtyǵystar oryn aldy, 160 adam qaza tapty
ASTANA. 25 qarasha. QazAqparat - Sırııalyq belsendilerdiń habarlaýynsha, jeksenbide Damaskiniń shyǵysynda úkimet kúshteri men kóterilisshiler arasynda bolǵan qaqtyǵystardan 160-tan astam adam qaza tapqan.
Ulybrıtanııada ornalasqan Syrian Observatory Human Rights uıymynyń aqparatyna qaraǵanda, kóterilisshilerdiń úkimet qorshaýyn buzyp shyǵý shaıqasy tún ortasynda bolǵan. Urystarǵa "Ál-Kaıdaǵa" jaqyn sheteldik kóterilisshi toptar, úkimet áskeri men lıvandyq "Hezbolla" uıymynyń jaýyngerleri qatysqan, dep habarlaıdy «Azattyq».
Quqyq qorǵaý uıymy urys bolǵan jerden habar taratyp júrgen eki tilshiniń qaza tapqanyn aıtady.
Sırııanyń úkimettik buqaralyq aqparat quraldary Damask mańyndaǵy shaıqas týraly ázirge habarlaǵan joq.
