Sırııanyń aqparat mınıstri: Bashar Asad taqtan taımaq emes
ASTANA. 23 qańtar. QazAqparat - Sırııa prezıdenti Bashar Asad óz laýazymynan bas tartpaq emes. VVS-diń habarlaýynsha bul jaıynda Sırııanyń aqparat mınıstri Omran az-Zoabı málim etken.
«Asad eshqaıda ketpeıdi», - dedi ol Shveıtsarııanyń Montre qalasynda ótip jatqan Sırııadaǵy shıelenisti retteý jónindegi konferentsııa barysynda jýrnalısterge.
Onyń atap ótýinshe, B.Asadtyń prezıdent bolý-bolmaýyn Sırııa halqy sheshýi tıis. Sonymen qatar mınıstr Damaskiniń 2012 jyldyń maýsymyndaǵy Jeneva kommıýnıkesiniń keıbir tarmaqtarymen kelispeıtindigin, degenmen, barlyǵyn kelissózder ústelinde talqylaý kerektigin atap ótti.
