Sırııanyń ýaqytsha prezıdenti zorlyq-zombylyqty toqtatýǵa shaqyrdy

ASTANA. KAZINFORM – Sırııanyń ýaqytsha prezıdenti Ahmad ash-Sharaa burynǵy úkimetke qatysy bar qarýly toptardy qarý-jaraqtaryn tapsyrýǵa, al jańa úkimetke adaldardy beıbit turǵyndarǵa shabýyl jáne tutqyndarǵa qııanat jasamaýǵa shaqyrdy, dep habarlaıdy Kazinform Euronews arnasyna silteme jasap.

– Etıkamyzdy buzǵan kezde biz jaýymyzben birdeı deńgeıge túsemiz. Qulaǵan rejımniń qaldyqtary ózimizdiń zań buzýshylyqtarymyzdyń artyna jasyrynýǵa sebep izdeıdi, - dedi ol.

Jańa (Haıat Tahrır ásh-Sham) jaqtastar men qulaǵan úkimet arasyndaǵy qaqtyǵystar jeltoqsannyń basynda Bashar Asad bılikten ketkennen bergi zorlyq-zombylyqtyń eń aýyr kórinisi boldy.

Sırııadaǵy adam quqyqtaryn baqylaý ortalyǵynyń málimetinshe, urys bastalǵannan beri 200-den astam adam qaza tapty. Onyń ishinde Asadqa adal 120 jaýynger jáne jańa úkimet kúshteriniń 93 jaýyngeri bar.

Eske sala keteıik, buǵan deıin Sırııanyń birneshe qalasynda jaǵdaı shıelenisip, túrli top ókilderi arasynda qaqtyǵystar júrip jatqanyn jazǵan edik.