Sırııanyń ońtústigindegi Es-Sýveıda turǵyn alqabyn drondar shabýyldady
ASTANA. KAZINFORM — Damask ýaqytsha úkimetiniń qoldaýymen arab taıpalarynyń otrıadtary Sırııanyń ońtústigindegi Es-Sýveıda qalasynyń drýzdar turatyn ońtústik-batys aýdandaryn atys qarýymen jáne drondarmen shabýyldady, dep habarlaıdy Sham TV.
Ázirge beıbit turǵyndar arasynda qaza tapqandar nemese jaraqat alǵandar týraly aqparat joq. Drýzdardyń ózin-ózi qorǵaý kúshteri 21 jáne 28 qazanda Es-Sýveıdaǵa jasalǵan shabýyldardy toıtaryp, birneshe drondy atyp túsirgen. 17 qazanda Ýra jáne Hırbet-Samar eldi mekenderinde qarýly qaqtyǵystar tirkelgen.
Damask bıligi drýz qaýymynyń baskótererlerine 19 shildeden bastap engizilgen atysty toqtatý rejımin qatań saqtaý qajettigi týraly eskertti.
Arab sarbazdary men drýz taýly halqy arasyndaǵy qaqtyǵys shilde aıynyń ortasynda bastalǵan. Asharq al Awsat gazetiniń málimeti boıynsha, qaqtyǵystardan 1,6 myńnan astam adam qaza taýyp, ońtústik aýdandardaǵy sý, elektrmen qamtamasyz etý jelileri úzilip, azyq-túlik, dári-dármek jáne janarmaı tapshylyǵy týyndaǵan.
Aıta keteıik, Dúnıejúzilik banktiń málimetine súıensek, Sırııany qalpyna keltirýge shamamen 216 mlrd dollar ketedi.