Sırııanyń qaýipsizdik kúshteri Damaskide DAISh lańkesteriniń jetekshisin ustady

ASTANA. KAZINFORM — Sırııanyń ishki qaýipsizdik kúshteri arnaıy operatsııa júrgizip, Damaskide DAISh (Qazaqstanda tyıym salynǵan - red.) lańkestik uıymynyń jetekshisin qolǵa túsirdi.

Report agenttiginiń málimetinshe, bul týraly provıntsııalyq departament bastyǵy general Ahmed ad-Dallatıdiń X áleýmettik jelisinde aıtylǵan.

— Bizdiń arnaıy bólimshelerimiz áskerı barlaý jáne halyqaralyq koalıtsııa kúshterimen birlese otyryp, Mýadamııa mańyndaǵy DAISh bekinisin joıý operatsııasyn júrgizdi. Nátıjesinde Damaskidegi terrorıstik toptyń jetekshisi Taha az-Zýabı jáne onyń birqatar sybaılasy qamaýǵa alyndy. Olardan jarylǵysh baılanǵan belbeýler men qarý-jaraq tárkilendi, — delingen mátinde.

Ad-Dallatıdiń aıtýynsha, tekserý jergilikti turǵyndardan kelgen habardan keıin júrgizilgen. Olar qaýipsizdik qyzmetkerlerine qylmyskerlerdi ustaýǵa kómektesti. 

— Bul bizdiń qaýipsizdik kúshterimizdiń Damaskidegi jáne onyń aınalasyndaǵy kez kelgen turaqtylyq qaýpine qarsy turýǵa daıyn ekendigin kórsetetin DAISh uıymyna úlken soqqy, — dep atap ótti general.

Biraz ýaqyt buryn Sıdneıde atys bolyp, lańkester qolǵa túsken bolatyn. Aýstralııa polıtsııasy olardy ákesi men balasy ekenin anyqtady.