Sırııanyń ejelgi qalasynda eń kóne álipbı tabyldy

ASTANA. KAZINFORM – Sırııanyń ejelgi qalasynda eń kóne álipbı tabyldy. Bul jaıynda Djon Hopkıns ýnıversıtetinen málim etti.

Arheologtar Sırııanyń ejelgi qalasy Ýmm-el-Marrede erte qola dáýirine jatatyn qabir tapqan. Barynsha jaqsy saqtalǵan qabirlerdiń birinde alty qańqa, altyn jáne kúmis zergerlik buıymdar, as úı ydystary, naıza ushy jáne bútin keramıkalyq ydystar bolǵan. Zertteýshiler qysh ydystardyń janynan álipbıge uqsaıtyn azdap kúıdirilgen tórt saz tsılındrdi anyqtaǵan.

«Álipbı jazý jazýda tóńkeris jasap, ony koroldik otbasy men áleýmettik elıtadan tys adamdarǵa da qoljetimdi ete tústi. Álipbı adamdardyń ómir saltyn, olardyń oılaýy men qarym-qatynasyn ózgertti. Bul tyń jańalyq adamdardyń jańa kommýnıkatsııalyq tehnologııalarmen biz oılaǵannan áldeqaıda erterek jáne basqa jerde tájirıbe jasaǵanyn kórsetedi», — dedi Djon Hopkıns ýnıversıtetiniń arheologııa professory Glenn Shvarts.

Aldyn ala boljamǵa sáıkes, jańa tabylǵan álipbı bizdiń zamanymyzǵa deıin shamamen 2400 jyl buryn qoldanysta bolǵan. Demek, ol bizge málim álipbılerden 500 jyl shamamasynda buryn qoldanylǵan.

«Buǵan deıin ǵalymdar álipbıdiń Mysyrda nemese soǵan taqaý mańda bizdiń zamanymyzǵa deıingi 1900 jyldan keıin paıda boldy dep sanap kelgen edi», — dedi Glenn Shvarts.