Sırııamen shekarada túrik joıýshy ushaǵy apatqa ushyrady
ASTANA. 13 mamyr. QazAqparat - Túriktiń Ǵ-16 joıýshy ushaǵy Sırııamen shekarada apatqa ushyrady. Bul týraly RBK jergilikti BAQ-qa silteme jasap habarlady.
Budan buryn túrik áskerı qolbasshylyǵy eldiń ońtústigine ushyp shyqqan Ǵ-16 ushaǵymen baılanys úzilgenin habarlaǵan bolatyn. Túriktiń Hurriyet gazetiniń málimetteri boıynsha, ushqysh ushaq radardan joǵalyp keter aldynda dıspetcherlerge «Men sekiremin!» dep aıqaılap úlgirgen.
Eske sala keteıik, 11 mamyrda Sırııamen shekaradaǵy Reıhanly qalasynda lańkestik aktisi boldy, onyń saldarynan 40 adam qaza tapty jáne 100-ge tarta adam jaralandy. Túrik ókimet oryndarynyń ókilderi lańkestikti uıymdastyrýshylar sırııalyq arnaıy qyzmetpen baılanysty dep málimdedi.
Túriktiń joǵarǵy sheneýnikteri shekaradaǵy jarylysqa jaýap retinde «kez kelgen sharalardy» qolǵa alýǵa quqyly ekendigin atap kórsetken bolatyn.
