Sırııalyq jazýshy Qazaqstan týraly kitap jazýǵa nıetti
ASTANA. Aqpannyń 15-si. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde sırııalyq jazýshy Ismaıl Marvýdyń «Sýad as-Sabbahtyń lırıkalyq poezııasyndaǵy sýbektıvızm» atty eńbeginiń tanystyrylymy boldy,
dep habarlaıdy QazAqparat.
I.Marvýdyń aıtýynsha, onyń eńbegi alǵash ret shetelde basylyp otyr. Eýrazııa ulttyq ýnıversıtetiniń janyndaǵy baspahanadan jaryqqa shyqqan kitap orys jáne arab tilderinde jazylyp, Kýáıttiń belgili aqyny Sýad as-Sabbahtyń shyǵarmashylyǵyna arnalǵan. «Sondaı-aq men bul kitapta ǵulama ál-Farabı týraly jazǵanmyn», - deıdi I.Marvý.
Avtordyń sózine qaraǵanda, aldaǵy ýaqytta ol Qazaqstan týraly arnaıy kitap jazbaq nıetti. «Meniń bul eńbegimdi aýdaratyn adam tabylatyn bolsa, men sol kitapty Damaskiden basyp shyǵarýǵa daıarmyn», - deıdi I.Marvý.
Іs-shara aıasynda sırııalyq jazýshyǵa qurmet kórsetilip, «Eýrazııa ulttyq ýnıversıtetiniń qurmetti doktory» ǵylymı dárejesi saltanatty túrde tabystaldy.
