Sırııalyq oppozıtsııa «Jeneva-2» konferentsııasyna qatysýdan bas tartýda
ASTANA. 14 qazan. QazAqparat - Sırııalyq ulttyq kongres quramyndaǵy oppozıtsııanyń negizgi toby Jenevada ótetin Sırııadaǵy ahýaldy beıbit jolmen retteý jónindegi konferentsııaǵa qatysýdan bas tartatyndyqtaryn málim etti.
«Sırııanyń oppozıtsııalyq kúshteri koalıtsııasyndaǵy eń iri blok bolyp eseptelinetin Sırııalyq ulttyq keńes qazirgi shartpen Jenevaǵa barmaý týraly myǵym sheshimdi ustanýda», - dep málim etti Sırııalyq ulttyq keńes prezıdenti Djordj sabra «Frants-press» agenttigine bergen suhbatynda.
Aıta keteıik, halyqaralyq qoǵamdastyq Sırııadaǵy shıelenisken ahýaldy jaqyn arada beıbit jolmen sheshý úshin «Jeneva-2» dep atalatyn halyqaralyq konferentsııa ótkizýge nıettestik tanytyp otyr. Degenmen, birneshe aı boıy bul kezdesýdi ótkizý keıinge qaldyrylyp keledi. Biraq, Reseı men AQSh kóshbasshylary qarasha aıynyń ortasynda múddeli taraptardy kelissóz ústeline otyrǵyzý úshin bar kúsh-jigerlerin jumsaýda.
Sırııalyq oppozıtsııanyń atalǵan alqaly jıynǵa qatysý úshin qoıyp otyrǵan sharty - qazirgi Sırııa prezıdenti Bashar Asadtyń bılikten ketýi.
