Sırııalyq qarýly oppozıtsııa Qazaqstan halqy men Prezıdentine alǵys aıtty

ASTANA. QazAqparat - Sırııalyq retteý jónindegi Astana protsesiniń jalpy otyrysy barysynda Sırııa qarýly oppozıtsııasy delegatsııasynyń jetekshisi Mohammed Allýsh Qazaqstan halqy men Prezıdentine alǵys aıtty. Bul jaıynda QazAqparat kelisssózderdi uıymdastyrýǵa qatysy bar derekkózine silteme jasap habarlaıdy.

«Sırııa qarýly oppozıtsııasy delegatsııasynyń jetekshisi Mohammed Allýsh óz sózinde  kelissózge qatysýshylary úshin barlyq jaǵdaı jasap, qonaqjaılyq tanytqan Qazaqstan halqyna jáneı Prezıdent Nazarbaevqa alǵysyn bildirdi. Sonymen qatar ol Túrkııa, Iordanııa, Katar, BAÁ-ge rızashylyǵyn bildirip, Reseıdiń soǵys is-qımyldaryn toqtatý rejimine qol qoıylǵan sátten bastap konstrýktıvti tásil qoldanǵanyn atap ótti», - dedi kelisssózderdi uıymdastyrýǵa qatysy bar derekkózi.