Sırııalyq general men 33 sırııalyq áskerı Túrkııaǵa qashyp ketti
ASTANA. 25 maýsym. QazAqparat - Sırııanyń úkimettik áskeriniń bir generaly, eki polkovnıgi, eki maıory, bir leıtenanty men 33 qatardaǵy sarbazy Túrkııaǵa qashyp ketti.
RBK Reuters agenttigine silteme jasap habarlaǵandaı, áskerı qyzmetkerler qazirgi el prezıdenti Bashar Asadtyń rejımine qarsylyq kórsetý belgisi retinde Sırııadan qashyp ketýge bel býǵan. Rastalmaǵan aqparatqa zer salsaq, áskerı qyzmetkerler otbasylarynyń múshelerimen birge, bas-aıaǵy 224 adam jat jerge kelgen.
Esterińizge sala keteıik, 2011 jyldyń naýryz aıynan bastap Sırııada jergilikti oppozıtsııa men úkimettik áskerıler arasynda qaqtyǵystar oryn alyp keledi. 12 myńnan astam adam qaqtyǵystardyń qurbany boldy. BUU-nyń aqparatyna kóz júgirtsek, 1,5 mln.-nan astam sırııalyq gýmınarlyq kómekke zárý. Myńdaǵan beıbit sırııalyqtar eldiń aýmaǵynan ketip, Túrkııaǵa qonys aýdarýda. Túrkııa óz kezeginde bosqyndarǵa esh narazylyq kórsetpeı, olardy elge kirgizip otyr.
