«Sırııalyq elektrondyq ásker»: Microsoft korporatsııasy Outlook -taǵy aqparattardy úkimetke satyp otyr
ASTANA. 12 qańtar. QazAqparat - «Sırııalyq elektrondy ásker» (Syrian Electronic Army) hakkerler toby Twitte mıkroblogy jelisindegi amerıkandyq kompanııa Microsoft-tyń akkaýntyn buzdy, dep habarlaıdy ITAR-TASS.
Hakerler korporatsııanyń paraqshasynda korporatsııanyń ónimderine boıkot jarııalaýǵa shaqyrdy. Tvıtterdiń birinde: « Hotmail jáne Outlook poshtalyq qyzmetterin qoldanbańdar, olar senderdiń aqparattaryńdy baqylap, úkimetke satyp otyr», - dep jazylǵan. Atalǵan top ókilderiniń biri Mashable basylymyna túsinikteme bergende Microsoft málimetterdi AQSh-tyń barlaý qyzmetine jáne ózge de úkimettik mekemelerge satyp otyrǵanyn málimdedi. «Bul tek basy. Biz osy málimdememizdi dáleldeý úshin taǵy da aqparattar alýǵa tyrysamyz. Microsoft bizge jaý emes, biraq olardyń istep otyrǵandaryna beıjaı qarap otyra almaımyz», - dep qosty ol.
