Sırııalyq bosqyn qyz Germanııada sulýlyq hanshaıymy atandy (FOTO)
ASTANA. QazAqparat - Germanııada sharap daıyndaıtyn óńirlerde uıymdastyrylatyn dástúrli «Sharap hanshaıymy» sulýlyq konkýrsynda alǵash ret mıgrant qyz jeńiske jetti.
26 jastaǵy Nınorta Bano úsh jyl buryn týǵan qalasyn soǵys órti sharpyǵan kezde Sırııadan Germanııaǵa qashyp keldi.
- Men Germanııanyń qonaqjaı el ekendigin jáne nemister bosqyndardyń ıntegratsııasy tez ári tabysty ótýi jolynda belsendi jumys istep jatqandyǵyn kórsetkim keledi,-dep málim etti Bano saltanatty marapattaý rásimi kezinde.
Qazylar alqasynyń músheleri Nınorta tek óziniń sulýlyǵymen ǵana emes, konkýrstiń basty sharty - sharapty bilýimen de erekshe kózge túskendigin atap ótti.
Aıta ketken jón, "Sharap hanshaıymy» sulýlyq konkýrsy 1930 jyldan beri jyl saıyn Germanııanyń 13 sharap shyǵarýmen aınalysatyn óńirlerinde ótkizilip keledi, dep jazady life.ru.
