Sırııalyq bosqyn Germanııada qala meri boldy

ASTANA. QazAqparat – 2015 jyly Germanııaǵa bosqyn retinde kelgen sırııalyq eldiń ońtústik-batysyndaǵy Baden-Vıýrtemberg meri saılaýynda jeńiske jetti, dep habarlaıdy QazAqparat CNN-ge silteme jasap.

Segiz jyl buryn Sırııanyń As-Sývaıda qalasynan ketken Rııan Alshebl Ostelshaım mýnıtsıpalıtetinen táýelsiz kandıdat retinde saılaýǵa tústi. Jeksenbi kúni ol 55,41% daýys jınap, Marko Shtraýs pen Matıas Feıden basym tústi. 29 jastaǵy Alshebl óziniń jeńisin «sensatsııalyq» dep atady. «Búgin Ostelshaım búkil Germanııa úshin kosmolıtızm men kózqarastyń keńdigimen úlgi bolyp otyr», - dedi ol.

Alshebl jeńisinen keıin birinshi bolyp Sırııadaǵy anasyna qońyraý shalǵan. Baden-Vıýrtemberg mýnıtsıpalıtetiniń qaýymdastyǵynyń málimdeýinshe, Alshebl – mer qyzmetine saılaýǵa túsip, jeńiske jetken alǵashqy sırııalyq. Ol óziniń qyzmetine maýsymnan bastap kirisedi. Mektep muǵalimi men aýylsharýashylyq ınjeneriniń otbasynda dúnıege kelgen Alshebl 20 jasqa deıingi ómirin qapersiz ómir dep sıpattaǵan. 2015 jyly Sırııa úkimetine qarsy narazylyqtar bastalyp, onyń sońy soǵysqa ulasqanda bári ózgergen. Alshebl kóptegen sırııalyqtar sııaqty 21 jasynda Túrkııadan Lesbos grek araly arqyly rezeńke qaıyqpen Eýropaǵa kelgen. Alshebl Germanııaǵa kelgen soń Ostelshaımǵa jaqyn mańda turǵan.

Onyń aıtýynsha, sol ýaqytta ol bir zatty túsingen – tez aıaqqa turyp, óz bolashaǵyna ınvestıtsııa quıa bastaǵan. Sońǵy jeti jylda ol kórshi qaladaǵy Altengshtet ákimshiliginde jumys istep, memlekettik qyzmetti tsıfrlandyrý salasynda birneshe reforma júrgizgen. «Jasyldar» partııasynyń múshesi Alshebldiń qazir nemis azamattyǵy bar.

Ol mer bolyp saılanǵannan keıin Ostelshaımǵa kóshedi.