Sırııalyq áskerler Homs ortalyǵyn baqylaýǵa aldy
ASTANA. 29 aqpan. QazAqparat - Sırııa eliniń qaýipsizdik kúshteri áskerı qyzmetshilerdiń Homs qalasynyń ortalyq aýdany - Baba Amrdyń baqylaýǵa alǵanyn habarlady.
Bul týraly batystyń aqparattyq agenttikteri habarlaıdy, dep jazady Ýtro. rý.
Sırııanyń áskerı basshylyǵynyń ókilderi taıaýdaǵy birneshe saǵatta aýdannyń lańkesterden «tazartylatynyn» málimdedi. Qazirgi ýaqytta áskerı bólimsheler qarý jáne búlikshilerdi tabý maqsatynda kvartaldardy aralap, úıler, jertóleler men jerasty ótkelderin tekserip jatyr.
Buǵan deıin quqyq qorǵaýshylar Homstaǵy qarýly qaqtyǵystar barysynda aqpan aıynan bastap júzdegen adamnyń qaza tapqanyn jarııalaǵan bolatyn. BUU-nyń málimetterinshe, Sırııada ótken jyldyń naýryz aıynan bastap 7,5 myńnan astam adam qaza tapty.
