Sırııalyq Aleppoda keminde 14 adam jarylys qurbany boldy
ASTANA. QazAqparat - Alepponyń soltústiginde qýatty jarylys bolyp, onyń saldarynan «Karlton» qonaqúıi men sol mańaıdaǵy birneshe ǵımarat búlindi, dep habarlady reseılik «Jańalyqtar» agenttigi.
Sana memlekettik aqparat agenttiginiń málimetteri boıynsha, bomba qonaqúı astynda qazylǵan tonnelge qoıylǵan.
Qonaqúıdiń ózi 150 jyl buryn salynǵan ǵımarattyń ishinde jáne Tsıtadelge qarsy ornalasqan, ol ıÝNESKO-nyń Búkilálemdik muralary tizimine engen ortaǵasyrlyq qala men bazar mańynda.
Belgili bolǵandaı, keminde 14 adam jarylys qurbany boldy.
Londonda ornalasqan Sırııanyń adam quqyqtaryn baqylaý uıymy qonaqúıde ornalasqan sırııalyq áskerı qyzmetshilerdiń kópshiligi jarylys saldarynan mert bolǵanyn málimdedi.
Kóterilisshiler jarylys bolǵan sáttiń fotosýretin jarııalady, onda oqıǵa bolǵan jerdi basqan tútin men shań orasan zor bult sııaqty munartyp tur.
Eki tarap ta jarylys Aleppoda qalyptasqan tuıyqqa tirelgen jaǵdaıdan shyǵýǵa tyrysýshylyq dep otyr. Sońǵy aptada kóterilisshiler úkimettik áskerler ornalasqan aýmaqqa kirýge áreket jasaǵan bolatyn.
