Sırııalyqtardyń kópshiligi Germanııada qalady – sarapshy

ASTANA. KAZINFORM – Kantsler Frıdrıh Mertstiń sırııalyqtardy jappaı óz eline kóshirý týraly málimdemesi naqty jaǵdaımen sáıkespeıdi, deıdi Konstantsa ýnıversıtetiniń kóshi-qon jónindegi sarapshysy Danıel Tım.

BILD basylymyna bergen suhbatynda ol ondaǵan myń sırııalyqty deportatsııalaý nemese erikti túrde eline qaıtarý isi bos áńgime ekenin aıtady.

Tımniń pikirinshe, úkimet bar kúshin salǵan kúnniń ózinde de mıgranttardyń basym kópshiligin eline qaıtara almaıdy.

- Ózińiz eseptep kórińizshi, bizde jylyna 250 kún bar. Tipti charterlik reıs kúnde 50 jolaýshydan tasymaldaǵan kúnniń ózinde jylyna 12-13 myń adam bolady. Al bul degenińiz Germanııadaǵy sırııalyqtardyń eki-úsh paıyzy ǵana, - dedi ol.

Іshki ister mınıstrliginiń málimetinshe, qazir Germanııaa 900 myń Sırııa azamaty bar. Olardyń 200 myńy azamattyq alyp úlgerdi.

- Ne quqyqtyq jaǵdaıǵa, ne federaldy úkimettiń jańa deportatsııalaý sharalaryn uıymdastyra almaýyna baılanysty sırııalyqtardyń kópshiligi elde qalady dep oılaımyn. Aldaǵy eki jylda Sırııaǵa 10 myń adam departatsııalanǵannyń ózi tańqalarlyq jaǵdaı bolatyn edi, - dep qosty sarapshy.

Osyǵan deıin Germanııa úkimetinde sırııalyqtardy eline qaıtarý máselesi boıynsha daý týyndaǵany týraly jazdyq.