Sırııalyq kóterilisshiler Alepponyń ortalyq aýdandaryna jetti
ASTANA. KAZINFORM – Úsh kúnge sozylǵan qaqtyǵystar kezinde qarýly oppozıtsııa toptary Aleppo jáne Idlıb provıntsııalarynda keminde 70 eldi mekendi basyp aldy, dep habarlaıdy Anadolu Ajansı.
Bashar Asad rejıminiń kúshterimen qaqtyǵysqan rejımge qarsy qarýly toptar Aleppo qalasynyń ortalyq aýdandaryna jetti.
Sırııada Asad rejımine qarsy qarýly toptar Aleppo aýmaǵyna túski ýaqytta kirip, keshke qaraı qalanyń ishki aýdandaryna jyljydy.
Qarýly toptar qala ortalyǵyndaǵy Sadalla ál-Djabırı alańyna jetti.
27 qarashada Alepponyń batysynda rejım kúshteri men úkimetke qarsy qarýly toptar arasynda qaqtyǵys boldy.
3 kúnge sozylǵan qaqtyǵystar kezinde qarýly oppozıtsııa toptary Aleppo jáne Idlıb provıntsııalarynda keminde 70 eldi meken men qalany basyp aldy.
Eske sala ketsek, kóterilisshiler Aleppo provıntsııasyndaǵy Sırııa armııasynyń baqylaýyndaǵy aımaqtarǵa keń aýqymdy shabýyl jasap, basyp alǵan bolatyn.
Osyǵan deıin Sırııanyń Aleppo provıntsııasyndaǵy el armııasy baqylaýyndaǵy aımaqtarǵa shabýyl jasalyp, 130 adam qaza tapqany týraly jazdyq.