Sırııaǵa úsh qyzy men nemeresin alyp ótip ketpek bolǵan qyrǵyzstandyq áıel ustaldy
ASTANA. QazAqparat - Sırııa aýmaǵyna ótip ketpekshi bolǵan Qyrǵyzstannyń ońtústiginiń týmasy túrik-sırııalyq shekarada ustaldy, dep habarlady KırTAG respýblıka quqyq qorǵaý organdaryndaǵy derekkózge silteme jasap.
«Quqyq qorǵaý organdaryna 55 jastaǵy áıel 23, 22 jáne 20 jas aralyǵyndaǵy úsh qyzy men tórt jastaǵy nemeresin alyp, Sırııaǵa ketti degen aqparat kelip tústi. Olardy óz shekaramyzdan ustaý múmkin bolmady, áıel túrik áriptesterimizdiń járdeminiń arqasynda ustaldy», - dep habarlandy derekkózden.
Olardy túrik-sırııalyq shekarada qolǵa túsirgen.
Aldyn ala aqparatqa sáıkes, Sırııaǵa áıel uly áskerı qaqtyǵystan qaza tapqannan keıin sol jaqqa ketken otaǵasyna qosylý úshin barmaqshy bolǵan. Bul rette derekkóz, jas áıelderiń biri turmysta ekenin atap ótken. Ol óziniń kishkentaı qyzyn ertip, kúıeýine eskerpeı, Sırııaǵa ketip qalǵan.
