Sırııaǵa shabýyl jasalýy yqtımal degen jańalyqtan soń munaı men altyn baǵasy ósýde
ASTANA. 29 tamyz. QazAqparat - Beısenbi, 27 tamyzda, álemdik qor ındeksi aıtarlyqtaı quldyrady, al altyn men munaı kúrt qymbattady, dep habarlaıdy Halyqtyq IPO baǵdarlamasynyń resmı saıty.
Aıta keteıik, batystyq BAQ Ulybrıtanııa pen AQSh Sırııaǵa áskerı shabýyl jasaý múmkindigin talqylap jatyr, dep habarlaǵan bolatyn. Olardyń málimetinshe, shabýyldy osy aptanyń sońynda jasaý josparlanyp otyr. Áskerı operatsııa Sırııany hımııalyq qarýdy qoldaný múmkindiginen aıyrý úshin qajet dep túsindirilýde.
Osy jańalyqtardyń negizinde amerıkandyq S&P500 ındeksi - 1,63%-ǵa, nemistik DAX - 2,19%-ǵa, brıtandyq FTSE100 - 0,41%-ǵa, japondyq Nikkei225 - 2,46%-ǵa, al qazaqstandyq KASE - 0,38%-ǵa quldyrady.
Al munaı men altyn baǵasy jaqsy ósýde. Sary metall 0,78%-ǵa, al búgin tańnan beri taǵy 1,2%-ǵa qymbattap, ýntsııasy 1433,6 dollar shekke jetti. Bul osy jyldyń mamyrynan bergi eń joǵarǵy kórsetkish. Altynnyń baǵasy tek tamyz aıynyń ózinde ýntsııasy úshin 100 dollarǵa qymbattady.
WTI markaly munaıdyń baǵasy seısenbide 2,83%-ǵa, al búgin tańerteń taǵy da dál osynshama qymbattap, bir barreli 112,18 dollarǵa jetti. Tamyzdyń basynan beri WTI munaıy 8,74%-ǵa qymbattady.
