Sırııaǵa shabýyl jasalsa, ol jerdiń halqyna úlken radıoaktıvti qaýip tónedi - Reseı mamany
ASTANA. 6 qyrkúıek. QazAqparat - Dammask qalasynyń janynda ıadrolyq zertteýler ortalyǵy bar. Sondyqtan Sırııaǵa shabýyl jasalsa, ol jerdiń halqyna úlken radıoaktıvti qaýip tónedi. Bul týraly Reseıdiń ǵylymdar akademııasy Atom energetıkasyn qaýipsiz jolmen damytý máseleleri jónindegi ıntıtýttyń ǵylymı jumys boıynsha dırektorynyń orynbasary Rafael Aratıýnıan málim etti.
Mamannyń aıtýynsha, Sırııanyń astanasy - Dammask qalasyna áskerı shabýyl jasalsa, oqtar qala mańyndaǵy ıadrolyq zertteýler ortalyǵyna tıip qalýy áden múmkin. Al onyń ishindegi shaǵyn reaktorǵa zaqym tıgen jaǵdaıda úlken radıoaktıvti qaýip týyndaıdy. «Atalǵan ortalyqta radıoaktıvti materıaldar men qaldyqtarmen jumys isteıtin bólim de bar. Ol qaldyqtar barlyq elden jınalyp, sol jerge jetkiziledi. Sondyqtan áskerı soqqy jasalsa, onyń radıoaktıvti saldary kúshti bolady», - deıdi R.Aratıýnıan. Onyń sózine qaraǵanda,on myńdaǵan kıýrıı radıoaktıvti zattar atmosferaǵa taralýy ábden múmkin. Sonyń saldarynan 100 shaqyrymǵa deıingi terrıtorııaǵa radıoaktıvti qaýip tónedi.
